ATELIERS

Tous les outils pour enseigner

Maleta cap d'establiment

Projècte menat per Carolina Simon dins l'encastre de l'annada de Professora des las Escòlas Estagiaria (PEE) 2017-2018 amb APRENE Ma causida peu projècte d’aquera annada de PEE ambe APRENE se virèt de cap a una aisina entaus novèus regents que s’arretròban cap d’establiment dins una escòla jos o fòra contracte pendent las prumèras annadas d’ensenhament.Aquò m’arribèt, e hasquèri plan sola davant aquera responsabilitat e aqueth trabalh que trobavi tant grand e alencòp fosc.Alavetz, qu’èi volgut bastir una maleta informatica disponibla entau monde que n’an besonh. Pòt pas tot concentrar, mes las causas prumèras i son. Çò qu’ei plan, qu’ei que se pòt actualizar, e contunhar. Se presenta jos forma d’una mapa d’eime. La mapa d’eime qu’ei un diagramme elaborat ambe un logiciau « DRAW.IO » entà representar de tacas, de concèptes o d’idèas qu’an un ligam ambe un mot clau o un’idèa centrala, e que s’arretròban autorn d’aqueth tèma.L’objèctiu qu’ei de collectar, memorizar, sintetizar e organizar las idèas ambe de bochòrlas ligadas a de documents pinjats suu NAS o de sitis. Atau, causiguèri de’u botar suu NAS pr’amor qu’èra un mejan mès simple d’organizacion e de gestion informatica.Lo cap d'establiment d’una escòla privada jos contracte qu’ei, en hèit, cap d’establiment deu prumèr gra. Aquò implica responsabilitats en mès per rapòrt a un cap d'establiment public (recrutament, responsabilitats sortidas, mesas en pòste, etc…). Depend, en mès de l’IEN e l’IA, de son administracion (federala e confederala).Sa mesa en pòste dèu ésser coneguda deu moviment calandreta, de l’IEN e declarada en prefectura.Peu moment, existís pas, de vertadièr estatut de cap d’establiment calandreta e tanben de contracte ambe l’associacion. La situacion qu’ei un pauc fosca e variabla segon las escòlas e lor organisacion mes se parla d’anar de cap a un estatut deu cap d’establiment reconegut e legal pr’amor que dins lo public o lo privat, los cap d’establiments an una remuneracion suplementària. Atau, aquò permeterà la proteccion deus cap d’establiments e tanben d’esclaurir las responsabilitat de cadun e de plan definir las suas fonccions.Dins lo dobte e s’avèm pas cap de solucion, se cau inspirar de l’organisacion legala de l’EN après vejaire de la federacion regionala. Qu’ei mes prudent d’escríver suu papèr l’organizacion de la còla, de l’escòla entà hèr véser sa bona volontat en cas de problèma (delegacion aus cap d'establiments adjunts, corrièrs entà demandar ajuda o pausar de questions a l’IEN o au moviment calandreta, questionaments sus la seguretat e las responsabilitats de cadun) e de plan entresenhar los renduts comptes d’acamps.Dins lo public e lo privat confessional, los cap d'establiments an una prima de fonccion qu’ei variable segon los efectius gerits. En hèit, en mes de las responsabilitats nombrosas e pesugas, deven balhar de temps de tribalh en mès (notament pres sus las vacanças). Ensenhador 1) Afichatges a) Còla i. Nòtas de servici ii. Tablèu de servici iii. Òrde deu dia deus conselhs iv. Planejament utilizacion deus locaus v. Emplècs deu temps vi. Planejament sortida vii. Numerò de telefone Inspeccion e RASED b) Parents i. Reglament interior de l’escòla c) Exemple Escòla Calandreta de Garoneta i. Carta de las Calandretas ii. Jornada pòrtas dubèrtas d) Per totis i. Protocòle d’alerta deus secors e consignas ii. Tablèu de servici 2) Formularis a) Autorizacions i. Drèit a l’imatge ii. Sortidas b) Inscripcion i. Certificat de vaccinacion ii. Asseguranças 3) Installacion Cap d’establiment en ligam ambe la federacion regionala a) IA b) Maison Comuna c) Prefècte d) Procuror 4) Fonctionar de l’escòla a) Las insténcias de l’escòla b) Seguretat i. PPMS ii. Sortida escolara iii. Santat iv. Eviccions escolaras e malautias contagiosas v. Accidents 5) Accompanhament deus escolans a besonhs particulars 6) Los tèxtes officiaus a) Drèit e obligacions deus parents d’escolans b) Drèits e obligacions deus escolans c) Obligacion de la comuna acuelhant una escòla jos contracte d) Circulària de dintrada e) Organigramme f) Lei n°2005-5 g) Lei n°59-1557 h) Registres i. Registres deus escolans inscriuts ii. Registres de seguretat 7) Formacion a) Cap a un estatut deu cap d’establiment b) Cap d’establiment i. Vademecum educacion.gouv 8) Associacion a) Organigramme Calandreta b) Estatut Confederal c) Vida de l’escòla d) Drèit e recrutament d’una associacion emplegaira e) Communicacion ambe los parents 9) Ròtle deu director e deu president : reparticion de las tacas

APRENE


Occitan
> Entrez

L'aparelh fotografic en classa

Projècte menat per Natalia Mineur dins l'encastre de l'annada de Professora des las Escòlas Estagiaria (PEE) 2017-2018 amb APRENECicle 2 : Classa CP CE1 CE2 Al quotidian, adultes tan coma mainatges, sèm confrontats de longa als imatges via la publicitat, la television, los rets socials... Imatges que pòdon èsser fixes o animats, reals o modificats. Amb lo desvolopament dels aparelhs numerics mas tanben l'expandiment dels telefonets, la fotografia ten una plaça màger dins nòstras vidas.La fotografia es sovent mencionada dins los programas oficials de l’educacion nacionala. Pr’aquò, es cantonada a las arts visuals.En començar mon annada de Professor de las Escòlas Estagiària, (annada escolara 2017-2018) me demandèri de que seriá l'interés d'aver e d'utilizar un aparelh fotografic en classa. La primièra partida de ma recèrca desvolopa lo cadre juridic e presenta la fotografia a travèrs los programas oficials de l’educacion nacionala.La segonda partida presenta lo trabalh menat en classa . Trabalh ligat a las arts visualas e a las TICE.La tresena partida mòstra los autres usatges faches e d’unes que serián de desvolopar.Puèi la darrièra partida balha d’exemples d’utilizacions pegagogicas dins mantunes domenis d’aprendissatges.

APRENE


Occitan
> Entrez

Viatge dins los espacis en mairala

Film documentari e documents d'acompanhament realizats dins l'encastre del projècte de formacion dels professors de las escòlas estagiaris (PEE) amb APRENE. Lo Film Lo film realizat per Faustina Kopp presenta de testimònis sus d'organizacion de classas a l'entorn de l'amainatjament dels espacis dins de classas de mairala. Aquel biais de foncionar es mai qu'una organizacion espaciala, es un pas de costat, un autre biais d'organizar e de menar la classa. Aprèp una introduccion que presenta lo perqué d'aquela causida, traparetz dins lo film tres partidas. La primièra nos mena dins la classa de PS1 PS2 MS GS d'Aurèli Berthelon, a la Calandreta Tèrra Maire, qu'organiza sa classa a l'entorn dels espacis dempuèi qu'a mudat, al mes de genièr 2018, dins una novèla classa. Aurèli nos parla de l'organisacion espaciala de sa classa e nos balha sas primièras impressions sus aquela novèla organisacion. La segonda partida nos mena dins la classa de PS1 PS2 MS GS de Sofia Vaissière, a la Calandreta La Jaquetona de Narbona, que se deu adaptar a de locals pichons e, quitament se se sarrèt de mai en mai d'aquela organizacion dempuèi d'annadas, la mena dempuèi la dintrada 2017. Nos explica son percor, lo foncionar de sa classa e parla de las dificultats qu'a rescontrat. La tresena partida presenta la classa de PS1 PS2 MS de Faustina Kopp, a la Calandreta Lo Garric de Besièrs. La classa foncionèt en espacis lo diluns e lo dimars. Faustina presenta l'organisacion de sa classa amb lo lagui de parlar de las progressivitats prepausadas dins cada espaci. La conclusion fa un bilanç de las tres partidas abans de ligar aquela organizacion a la pedagogia en plaça a Calandreta.   Documents d'acompanhament Los espacis en mairala Aquel document es inspirat del libre L'Aménagement des espaces pour mieux apprendre. À l'école de la bienveillance de Jaques Bossis, Catherine Dumas, Christine Livérato et Claudie Méjean publicat en cò de Retz en 2015. Es adaptat al material e a ma classa, los diferents espacis son classats en foncion dels domenis dels programas de l'Educacion Nacionala de 2015 per la mairala. Exemple d'avaloracion : Julien dins los espacis Aquel document es un exemple d'avaloracion, es un mescladís entre lo quasèrn de capitadas e lo quasèrn de cenchas, qu'èra utilizat en parallèl. Prenguèri de fotòs de tot çò que me semblava interessant, ne faguèri un dorsièr per enfant, puèi farguèri aquel quasèrn per cadun que serà estampat en fin d'annada e apondut dins lo quasèrn de cenchas e mandat als parents.

APRENE


Occitan
> Entrez

Recuèlh de poesias

Projècte menat per Matilda Baccou dins l'encastre de l'annada de Professora de las Escòlas Estagiaria (PEE) 2017-2018Dins l'encastre de mon annada de professora de las escòlas estagiaria, sosquèri a quin trabalh podiái far per facilitar un pauc lo quotidian de las regentas e dels regents. Aprèp discutidas amb d'autras regents, me mainèri que mancava una ressorga que recampariá de poesias per pichons e per grands, ressorga ont cada regent podriá aver una granda causida, descubrir d'autors, bastir de sequéncias a l'entorn d'un tèma... Traparetz dins çò que seguís la realizacion d'aquela idèia. Lo recuèlh de poesia occitana que vos prepausi es perfectible, mas permet als regents que prepausan jà de poesias en classa de diversificar lor repertòri, e benlèu qu'aquel recuèlh balharà un pauc de vam a los qu'an pas encara gausat s'escampar dins la poesia en classa.La causida foguèt facha de publicar los poèmas dins l'occitan de totes los parsans, sens dinstinccion. La tradicion poetica orala qu'existís en Occitania pausèt lo problèma de la sorga : de comptinas e poesias presentas dins aquel recuèlh son pas signadas. Se malgrat los esfòrçes de recèrca que foguèron faches, conneissètz lo nom de l'autor d'una poesia non signada, vos demandi de plan voler me contactar per que las modificacions se faguen. Per las poesias signadas, los dreches de publicar foguèron demandats. Tanben, se volètz portar la vòstra contribucion a aquel recuèlh, mercé de me contactar. Bona lectura.Matilda Baccou Ensenhador :Recuèlh de poesias pel Cicle 1Recuèlh de poesias pel Cicle 2Recuèlh de poesias pel Cicle 3Recuèlh de poesias : familhas de lengas

APRENE


Occitan
> Entrez

Trocèl de primièrs secorses occitans : qualques « potingas » per pensar en Òc

Dans le cadre du Festival Total Festum 2018 et du partenariat avec la Fédération régionale des Foyers ruraux, le CIRDOC organise un dispositif mobile de médiation et de sensibilisation à la culture et à la langue occitanes. Conçue pour l'accompagner, cette « trousse de premiers secours occitans » illustrée par Bernard Cauhapé et préparée avec la collaboration de Florian Vernet est à garder toujours à portée de main !

CIRDÒC-Mediatèca occitana

Occitan, Français
Niveau : Très facile
> Entrez

Ressources numériques de la mallette pédagogique "Escapade occitane "

La mallette pédagogique Paroles de pays/Paralaus de país : escapade occitane, conçue et éditée par la section Auvergne-Bourbonnais-Velay de l’Institut d’Études occitanes, permet d’aborder les rudiments de l’occitan par des activités ludiques. Destinée à appuyer les enseignants, les animateurs socioculturels et les médiathécaires dans leurs activités avec des enfants à partir de 7 ans, ainsi qu’avec un public familial, la mallette a pour objectif de sensibiliser à la présence de l’occitan, composante du patrimoine immatériel d’Auvergne et du Velay, mais aussi de la culture occitane elle-même et d'y donner goût. Pour faciliter l'utilisation par des animateurs non experts en langue occitane, cette mallette s'accompagne d'un livret pédagogique mais aussi de fichiers sonores. Afin de permettre à tous de les découvrir, l'IEO Auvergne-Bourbonnais-Velay a choisi de partager ceux-ci ici, sur la Maleta d'Occitanica. La mallette pédagogique complète peut être acquise auprès de l'Ostal del Libre et de l'IEO Auvergne-Bourbonnais-Velay. Jeux et devinettes Devinette : qu'es aquò ? Vocabulaire pour jouer aux 7 familles (Occitan languedocien) Battre  les cartes : Mesclar las cartasDitribuer les cartes : Donar las cartasLa pioche : La pescaPiocher : PescarPioche ! Pesca !Bonne pioche : Bona pescaMauvaise pioche : Meishanta pescaDins la familha de, voldriá...Dins la familha de, me cal...Dins la familha de, demande...Montre tes cartes : Fai veire tas cartasPose ta famille : Pausa tas cartas / Installa ta familhaElle est complète / Elle n'est pas complète : Es completa / Es pas completaÀ toi / à moi : Tè, a tu / a ieuJ'ai gagné : Ai ganhatJ'ai perdu : Ai perdutTricher : Trichar Conte : Plamponhèt Conte kamishibaï : Lo Boquin de la rabèira (Le Bouc du champ de raves) Adapté d’un conte publié dans Contes et légendes de Saint-Vincent de Salers, Jean-François Maury, édition Ostal del libre.« Un jorn, i aviá un òme que voliá menar lo boquin a la fèira d'a Bleila. Partiguèt de bon matin, mès quand arribèt davant una rabèira, lo boquin partiguèt dins la rabèira, e ne’n voliá pas pus sortir... » (« Un jour, il y avait un homme qui voulait amener son bouc à la foire de Blesle. Il partit de bon matin, mais quand il arriva devant un champ de raves, le bouc partit dans le champ, et il ne voulait plus en sortir... ») Comptines et « vira-lengas » La Ronda del Neciàs Una me dòna Truca-me la man Un jorn qu'aviá sabor Mallette pédagogique Escapade occitane : crédits Conception, choix des textes et des jeux : Institut d’Études occitanes Auvergne, Bourbonnais, Velay. Merci à Patric Alet, Pascal Aumaître, Christian Bonnet, Félix Daval, Josiane Guillot, Didier Huguet, Catherine Liethoudt, Hervé Quesnel, Jean Roux pour leurs contributions.Dessins : Franck Watel (EURL Doublevébé, Vals-le-Chastel, Haute-Loire) pour le memory, la carte d’Occitanie et les personnages à colorier (fiche n° 2) ; Georges Sarre, pour le jeu des 7 familles et le kamishibaï.Réalisation : èredejeuxFichiers sonores : textes dits par Félix Daval, Josiane Guillot, Didier Huguet et Hervé Quesnel. Valorisation numérique : CIRDÒC. Escapade occitane a bénéficié du soutien de la DRAC Auvergne, de la Région Auvergne et de la Région Auvergne-Rhône-Alpes.
Institut d’Études occitanes Auvergne, Bourbonnais, Velay

Occitan
> Entrez

Qui a matat Francés Canat ? Enquête interactive et ressources sur le roman policier

Entre BD taille XXL, jeu vidéo et murder party, Qui a matat Francés Canat ? est une enquête interactive imaginée par l'Atelier In8. Dans cette version intégralement en occitan coproduite par le CIRDOC, vous plongez dans l'univers du polar grâce à la réalité augmentée. Le dispositif, basé sur la reconnaissance d'image, est composé de 7 panneaux autoportants avec lesquels le joueur interagit grâce à une application. Il peut être emprunté au CIRDÒC ou acquis auprès de l'éditeur In8.Qui a matat Francés Canat ? propose ainsi une exercice ludique de compréhension orale de l'occitan dans ses diverses variantes (gascon, languedocien, limousin et provençal sont représentés).Pour aller au-delà du jeu, la Maleta met à votre disposition des ressources complémentaires : 1. Autopsia del polar Au fil de 40 pages, ce livret, conçu par l'Atelier In8 et adapté par Yan Lespoux et Cecila Chapduèlh pour le CIRDOC, présente un panorama de la littérature policière. De Poe à Vargas et Vernet en passant par Manchette, d'Arsène Lupin au commissaire Darnaudguilhem, autopsie d'un genre littéraire aux mille univers. 2. Qui a matat Francés Canat ? Lo verbal- transcription intégrale- dialogues à télécharger Pour faciliter l'exploitation pédagogique de l'expérience "Francés Canat", le commissaire Naudèl vous donne accès à l'ensemble de son dossier : tous les dialogues (textes et sons) au téléchargement. Attention aux spoilers ! Qui a matat Francés Canat ? est une coproduction CIRDOC/Atelier In8 sur un concept original de l'Atelier In8  (Qui a refroidi Lemaure ?).Adaptation : Danís Chapduèlh / Institut occitan d'Aquitaine sur Qui a matat Francés Canat ; Yan Lespoux & Cecila Chapduèlh sur Autopsia del polarComédiens voix : Danís Chapduèlh, Caroline Dufau, Yves Durand.
CIRDÒC-Mediatèca occitana

Occitan
> Entrez

Los Rocaires : animaux totémiques (Hors-série N°2)

Le Centre de ressources d'éducation au développement durable de Vailhan (CREDD) propose dans cette publication une découverte illustrée des "animaux totémiques", manifestations du patrimoine culturel immatériel occitan, et des légendes qui les mettent en scène. Retrouvez dans la Maleta d'Occitanica l'intégralité de ce hors-série trilingue (français, occitan, anglais) du bulletin de liaison du CREDD, réalisé en partenariat avec le CIRDOC, et un accès par fiche à chacun des animaux. Responsable de la publication : Guilhem Beugnon. Illustrations : Jane Appleton. Présentation : Claude AlranqTextes des légendes : Adèle Guillon. Traduction anglaise : Adèle Guillon et Jane Appleton.Traduction occitane : Lo CIRDÒCFruit d’un partenariat entre la DSDEN de l’Hérault et la communauté de communes des Avant-Monts, le CREDD a pour mission d’accompagner les classes de primaire et secondaire du département de l’Hérault dans la mise en œuvre de projets pédagogiques liés au patrimoine, à l’environnement et au développement durable. Il assure par ailleurs, trois fois par an, la publication d’un bulletin de liaison numérique et développe des outils didactiques mis à disposition gratuite des classes.
Centre de ressources d’éducation au développement durable de Vailhan (CREDD)

Français, Occitan, English
> Entrez

Descobèrta del mond : una sortida a la bòria amb una classa de PS / MS

Projècte menat per Natàlia Font dins l'encastre de l'annada de Professora des las Escòlas Estagiaria (PEE) 2011-2012 « Los animals de la bòria » es la tematica causida per lo darrièr periòde dins ma classa de PS e MS. Causiguèri de vos presentar aqueste trabalh per fin d'escambiar sus una tematica fòrça emplegada dins las classas de mairala. Lo projècte compren mantuna etapa. Partiguèrem de las representacions qu'an los enfants de la bòria per anar cap a la descobèrta d'aqueste mitan e sas foncions. S'acabarà per un viatge de tres jorns a la bòria del masatge del Moulès dins Avairon per fin d'observar dins son environament los animals de la bòria. Aqueste viatge lor permetrà tanben de participar a las activitats de la bòria e a una aventura umana rica. Trabalhar a l'entorn de la bòria presenta un interès educatiu important a l'escòla mairala. Primièrament permet, dins lo domeni de «descobrir lo mond del viu», d' abordar una part bèla del programa : – Permetrà de menar los enfants a observar diferentas manifestacions de la vida, los cicles que constituisson la naissença, la creissença, la reproduccion, lo vielhum e la mòrt. – Permetrà tanben de sensibilizar als problèmas ligats a l'environament e d'aprene a respectar la vida. En transversalitat, totes los domenis d'aprendissatges de la mairala pòdon èsser trabalhats : – Lo lengatge, amb l'enriquiment del vocabulari relatiu a la bòria. – La lectura e l'escritura, a l'encòp per servir lo trabalh de recèrcas, de documentacion e per noirir l'imaginari dels enfants. – Las activitats artisticas (oralas, corporalas e manualas) s'inspiraràn aisidament del subjècte per faire imaginar e crear los enfants. – Lo viure amassa amb la participacion a un projècte de classa que menaràn los enfants a viure en collectivitat pendent tres jorns. Amai, balhar de sens als aprendissatges es primordial dins la transmission del saber. Amb aqueste projècte, los enfants s'investiràn aisidament demercé l'interès natural que pòrtan al mond del viu e a la bòria e tanben demercé l'enjòc que representa la participacion a un projècte de classa transplantada a la bòria. Per vos presentar lo projècte, ne causiguèri qualques aspèctes. Primièrament, lo projècte bòria presenta una « aventura » per d'escolans de mairala. En segond ponch, parlarai del marchament d'investigada mes en abans dins lo projècte. En tresen ponch, presentarai qualques activitats transversalas. Per acabar, tractarai de l'aspècte administratiu d'un projècte de classa transplantada. Ensenhador IntroduccionI) Una «aventura» 1) Una aventura que fa créisser2) Aspècte collectiu, la classa coma repèri3) La presa de risca II) Lo marchament d'investigada 1) Quals son los animals de la bòria?2) De que manjan los animals? III) Las activitats transversalas 1) Descobrir l'escrich2) S'exprimir amb son còrs, la vòtz e l'escota IV) Autorizacion e cadre administratiu 1) Cap a las familhas2) Las autorizacions de sortidas Anèxas Sites internetQualques libres sul tèma de la bòriaCantsQualques fichas menairas

APRENE


Occitan
> Entrez

Langages sifflés : présentation et approche didactique

Projècte realizat per Sabrina Cepeda en l'encastre de l'annada d'estagi de Professor daus Escòlas Estagiari (PEE) Sus las 6000 luengas parladas dens lo monde, 10 % que son escrivudas e mensh de 1% dispausan d’un lengatge siulat.- de luengas non-tonaus (occitan, espanhòu de l’isla de La Gomera, turc de la vath de Kusköy de cap tà la Mar Negra, tamazight deu Haut Atlas, grèc d’Antia)- de luengas tonaus (luenga mazatèca deu Mexic)Qu’observam similituds enter las tecnicas de lengatges siulats aus entorns de Mediterranèa : la luenga siulada qu’ei un substitut de la luenga parlada e qu’ei la modulacion deus fonèmas de la luenga parlada.Tres condicions que son sovent observadas ligadas a la preséncia d’un lengatge siulat  :- lo relhèu accidentat ;- l’isolament de las abitacions, l’esluenhament de las abitacions enter eras ;- lo mitan deu pastoralisme.Estat actuau de las luengas siuladas : la luenga siulada qu’ei vitèca engüèra en Turquia, qu'ei presenta d’un biais vestigiau a Antia en Grècia, qu’a desaparegut a Aas.A còps, que hè partida deus objectius de l’ensenhament com a La Gomera e en via de difusion com en Bearn.Qu’an totas un aspècte utilitari tà facilitar la comunicacion a grana distància. La disparicion d’ua luenga siulada qu’ei ligada :au desvolopament deus èishs rotèrs, a la modernizacion de las tecnicas (telefonet, Internet…), a la populacion qui vad vielha e qui non transmet pas mei aqueth mòde de comunicacion de generacion en generacion, a l’exòde rurau, a la disparicion o quasi disparicion de la luenga parlada en situacion de diglossia com ei lo cas de l’occitan. Transmission de las basas deu lengatge siulat occitan Ua intervencion en lengatge siulat occitan estó realizada dens tres escòlas : Biost (deu CP tau CM2), Lo Lis (deu CP tau CM1), Pau (de CE1 dinc a CM2).Que trobaretz dens la maleta lo contiengut didactic de las intervencions :- un descriptiu de las intervencions dens aqueras escòlas,- ua progression suu tribalh d’emission e de compreneson en lengatge siulat,- la transcripcion deus prenoms de cada classa,- las fichas miairas de cada sesilha de las sequéncias,- los bilanç que permeten un seguit e ua avaloracion deus progrès realizats.Trobaretz demei dralhas de questionaments : Quan ? Perqué un lengatge siulat ? Quan se siulava lo lengatge siulat ? On se siulava ?  Qui siulava ? Perqué ? Quin siular dab los dits ? Escotar/telecargar : Progression frasas siualadas Escotar/telecargar : Siula lo ton prenom Los lengatges siulats e l’ensenhament Taus lengatges repertoriats sol lo silbo gomero qu’a ua avança màger en mestior de materiau didactic e d’ensenhament deu lengatge siulat.Lo lengatge siulat occitan que ten a desvolopà’s e a difusà’s.Lo lengatge grèc qu’ei portat per ua associacion qui ensaja de’u har vàler tà’u har ensenhar.Lo lengatge siulat turc que’s transmet de generacion en generacion.De lengatges siulats que demoren non-estudiats o non repertoriats - lo lengatge siulat deu Tamazight (Marròc) , lo lengatge siulat albanés --. Ensenhament deu siular occitan en Bearn - Seteme de 2015 talhèr au collègi de Laruntz (vath d’Aussau) ;talhèr a l’escòla publica de Vilhèras (d’Aussau) ;talhèr a l’UPPA taus estudiants e tau public ;formacion continua deus regents de Calandreta.L’aviéner deu lengatge siulat occitan qu’ei dilhèu a l’òra de la renavida. Aqueste tribalh ajudarà dilhèu los mainatges ta'u transméter…

APRENE


Occitan
> Entrez

En scèna ! Le théâtre occitan pour petits et grands

Avec cette nouvelle Seleccion, les bibliothécaires du CIRDÒC vous emmènent dans les coulisses du théâtre d’oc. Médée côté cour, Nasr-Eddin côté jardin, des classiques à étudier aux saynètes à monter pour se mettre l’occitan en bouche, une création vivante à voir, à lire, à jouer. En scène !
 
CIRDÒC-Mediatèca occitana

Français, Occitan
> Entrez

Lo jòc de la morra dins la classa / Le jeu de la mourra dans la classe

Projècte PEE (Professor de las escòlas estagiari) amb APRENE menat dins classas de cicle 3 Lo jòc de la morra a d’originas plan ancianas e contunha d’èsser viu dins Occitània ont la podem trapar mai que mai dins Pais Niçard. Interessanta per mai d’unes aspèctes, tan pel costat cultural que per qu’es ligada a las matematicas, fa mestièr dins las classas.Lo trabalh presentat aquí a per tòca de proposar un biais per l’exercir en classa tan de cicle 2 que de cicle 3. Tot de s’interessar als ligams entre jòc e pedagogia, permetrà de melhor conéisser lo jòc e de partejar d’aisinas per la menar en classa.Una vidèo explicativa es proposada per n’encapar las caracteristicas generalas.Un agach rapid sus los rapòrts teorics entre pedagogia e jòc es proposat en primièra partida. I vesèm las apròchas de Piaget, Winicott a tanben lo vejaire de Freinet.Puèi en segonda partida balham los elements majors del jòc de la Morra: luòcs de practica, istòria, règlas.Enfin, la tresena partida proposa una aisina per la faire viure dins las classas.Un jòc aisit, sens material necite, que se jòga dempuèi sègles. Las aisinas mai precisas per la far dintrar en classa son a posita pels regents que la voldrián proposar als escolans.

APRENE



> Entrez

L’ensenhament de la fonologia en classa immersiva gascona

Lo men projècte que pren plaça dens l’encastre deu tribalh cooperatiu realizat pendent l’annada de PEE dab l’establiment Aprene. Que pertòca las classas de cicle 1 e 2 (classas de mairau dinc au CE2). Lo men tribalh que’s presenta en 2 partidas: la purmèra que concerna la partida scientifica cap a la fonologia deu gascon. Qu’i poderatz trobar dralhas tà tribalhar los fonèmas, la prononciacion e las particularitats fonologicas specificas au gascon.La dusau partida qu’ei ua partida dedicada aus apèrs pedagogics tà la classa. Aquiu se poderà trobar un fiquèr de tribalh autocorretiu en autonomia taus escolans de GS-CP-CE1 (tipe fiquèr PEMF), un repertòri fonologic nomenat “fonèmas en comptinas” qui regropa comptinas per tribalhar cada fonèma. Enfin, taus escolans e regents de mairau, ua seria d’un vintenat de comptinas en format audio enregistradas peus escolans de CE2-CM1-CM2 de la mea classa (Calandreta de la Dauna de Peçac). La mira d’aqueste tribalh qu’ei de perméter aus mainatges de las classas de mairau d’aquesir, de compréner e de prononciar los fonèmas a truvers l’escota auditiva de las comptinas.Ensenhador del talhièrPresentacion (pagina actuala)I - Los fondaments scientifics de la fonologia gasconaII - La fonologia dens los programasIII - Fiquèr fonologic auto correctiu tipe PEMFIV - Repertòri “fonèmas en comptinas”V - La transmission de la lenga orau : deus grans aus petits

APRENE


Occitan
> Entrez

L'esplech informatic al servici de la cooperacion, la creacion d'un blòg dins la classa / L'outil informatique au service de la coopération, la création d'un blog dans la classe

Mon trabalh s'inscriu dins un projècte de trabalh cooperatiu realizat del temps de l'annada de la formacion de Professor de las escòlas estagiaria amb l'establiment de formacion APRENE.La creacion d'un blòg dins la classa deu èsser soscada a l'avança.Una primèra partida s'inscriu dins lo projècte realizat dins la classa.Dins una segonda partida poirètz veire lo marchament, l'estructuracion e la partida juridica que cal conéisser abans de partir dins la creacion del blòg.Una tresena partida analizarà lo trabalh fait en classa tan dins la cooperacion coma dins lo trabalh de la lenga occitana.Ensenhador del talhièrPresentacion (pagina actuala)1 - L'experiéncia numerica : lo contèxt de classa e objectius pedagogics2 - Objectius, publicacions e fichas menairas3 - Cossí crear e far espelir un blòg de classa ?4 - Aspèctes juridics5 - La creacion e foncionament del temps d'una annada

APRENE


Occitan
Niveau : Facile
> Entrez

Le Grand Jeu ! Quiz de vocabulaire occitan

Petit livret réalisé dans le cadre de Total Festum 2017. Expressions, mots croisés et quiz. Niveau débutant.
CIRDÒC-Mediatèca occitana
Durée : 00:30
Français, Occitan
Niveau : Moyen
> Entrez

Ensenhar l’istòria-geografia au Collègi en s’emparar de la literatura, de l’occitan e de l’imaginari

Projècte realizat en l'encastre de l'annada d'estagi de Professor deu 2au grat (CAER Istòria-geografia-EMC).Que s'i pòt destriar tres supòrts màgers de transmission deu saber istoric e geografic : - lo tèxte (l'escriut, la lenga), - la mapa (e autas representacions cartograficas) - e l'imatge (e donc l'imaginari). La mira d'aqueth projècte qu'ei atau de favorizar un ensenhament de l’istòria-geografia-EMC, notadament au Collègi, qui s'empara sus la literatura, lo francés, l’occitan e l’imaginari. Que s'ageish donc de desvolopar l'interdisciplinaritat, de valorizar la lenga occitana e d'activar l'imaginari. Tad aquò que perpausi documents d'espleitar en classa : la Carta de fondacion de la bastida de Navarrencs (en los Pirenèus-Atlantics) ; l'Atlas catalan ; l'Occitan dens las trencadas ; la descobèrta deu monde e de l'òbra de Jules Verne, au truvèrs deu roman Lo Torn deu monde en 80 dias.Ensenhador del talhièr :Presentacion (pagina actuala)Document 1 - Carta de fondacion de la bastida de Navarrencs - Charte de fondation de la bastide de NavarrenxDocument 2 - L'Atlas catalanDocument 3 - L'occitan dens las trencadas – L'occitan dans les tranchéesDocument 4 - Descobrir lo monde e Jules Verne au truvèrs deu son roman « Lo Torn deu monde en 80 dias » (1873) – Découvrir le monde et Jules Verne au travers de son roman « Le Tour du monde en 80 jours » (1873).

APRENE


Occitan
> Entrez

Base iconographique pour l'enseignement de l'histoire en cycle 3

Projècte menat al CIRDÒC dins l'encastre del Màster 2 Mestièrs de la cultura e del patrimòni en país d'Òc de l'Universitat de Tolosa II - Jean Jaurès. Aquela banca d'imatges s'adreiça als aprenents, als ensenhaires e als professionals del sector educatiu que vòlon ensenhar l'istòria en occitan per lo biais d'imatges. Una guida sus l'utilizacion dels imatges amb de rapèls basics del drech de l'imatge es disponibla dins la primièra partida. Dins las autras partidas, trobaretz d'iconografia recampada per periòdes, jos licéncia liura, en ligam amb lo programa d'istòria de cicle 3 (programa de 2016). Los imatges son telecargables e acompanhats d'una descripcion e de qualques frasas per resumir las nocions del programa. Totes los periòdes an pas pogut èsser cobèrts per manca de temps mas mon trabalh pòt èsser una dralha per los que o voldràn contunhar, melhorar o simpletament ne far un esplech de trabalh. Los periòdes expausats van de la Preïstòria a la debuta de l'Edat Mejana centrala (dinastia dels Capecians).  Vòli mercejar Joèla Ginestet per sa disponibilitat e son ajuda per la guida. Sens oblidar Patrici Baccou e Olivièr Lamarque per la relectura del contengut pedagogic, Josiana Ubaud per sos apòrts lexicografics e Aurelian Bertrand per la relectura de las traduccions.
 
CIRDÒC-Mediatèca occitana

Occitan
> Entrez

Fiches du COMDT : Découvrir les instruments traditionnels occitans

Pour compléter ses activités de sensibilisation artistique et culturelle ou pour une première approche en classe, le COMDT (Centre Occitan des Musiques et Danses Traditionnelles) a élaboré des fiches d’instruments traditionnels occitans téléchargeables à destination du jeune public (cycles 2 et 3), prêtes à être distribuées ou affichées.Proposée en version française et en version occitane languedocienne (traduction d'Olivier Lamarque, conseiller pédagogique en langue et culture occitanes), chaque fiche permet de découvrir un instrument, en présentant :– une photographie d’un musicien en situation de jeu ;– des informations pratiques (famille d’instrument, taille, poids, matériaux, origine géographique, répertoire) ;– un schéma organologique détaillant les différentes parties de l’instrument ;– un lexique pour apprendre des termes spécifiques à l’instrument et à sa pratique ;– une rubrique « Comment ça marche ? » ;– « Le savais-tu ? » : une anecdote ludique à propos de chaque instrument. Fiches disponibles à ce jour (version fr/oc) : - L’aboès, hautbois du Couserans- L'accordéon diatonique- La bodega, cornemuse languedocienne- La boha, cornemuse gasconne- La cabrette ou cabreta, cornemuse auvergnate- Le tambourin à cordes ou tom-tomet la flûte à trois trous- La vielle à roue- Le violon
COMDT
Centre Occitan des Musiques et Danses Traditionnelles (COMDT)

Français, Occitan
Niveau : Très facile
> Entrez

Documents et ressources pour enseigner l'histoire-géographie en occitan

Cette sélection documentaire s'adresse aux enseignants et à tous les professionnels du secteur éducatif et culturel souhaitant bénéficier d'outils et de documentation pour le traitement de l'histoire et de la géographie en lien avec la langue et la culture occitanes.
 
CIRDÒC-Mediatèca occitana

Français, Occitan
> Entrez

Poésies et patrimoine littéraire local : apprentissages et créations : atelier pédagogique

Projècte PEE (Professor de las Escòlas Estagiari) menat per Peire Raimond. Tòca del projècte :  constituir un recuèlh de poesias a partir dels tèxtes reculhits dins la revista La Cabreta per que los calandrons dels cicles 2-3 consultèsson d'un biais autonòm un còrpus de poesias, per ne'n causir una liurament, la copiar, l'aprendre e la presentar en recitacion.Presentacion generala de la classaEscòla : Calandreta d'Orlhac (15)Efectius e nivèls : classa unenca de 14 escolans (2 TPS, 2 PS, 1 MS, 1 GS, 1 CP, 3 CE1, 3 CE2, 1 CM2) Per de qué ?D'en primier, utilizar de las poesias en classa permeton de trabalhar mantunas competéncias definidas dins las instruccions oficialas de l'Educacion nacionala.En segond aquel projècte respond a un besonh : conéisser la varianta dialectala de l'occitan ont demoram. Aquel caminament s'inscriu dins la causida de las Calandretas d'ensenhar la variantalocala de l'occitan parlada dins son parçan. Fa donc mestièr d'aver tèxtes o supòrts orals dins lo parlar local de son canton.De mai, legir dels tèxtes literaris de qualitat permeton d'enriquir la lenga e l'expression dels calandrons e d'aportar un lexic novèl.Enfin, una autra dimension interessanta per ma  classa èra de trabalhar pus especificament sul genre poetic en general en veire la varietat e la diversitat de las expressions poeticas e d'encoratjar los escolans a s'ensajar d'escriure de las poesias en s'inspirar d'exemples precises.>> Veire los numèros de Lo Cobreto consultables sus OccitanicaEnsenhador del talhièr : Presentacion - debanament  (pagina actuala) Sesilha 1 : Descubrir la diversitat de las poesias Sesilha 2 : S'ensajar a escriure de las poesias Sesilha 3 : Descubèrta del recuèlh de poesia Sesilha 4 : Recitacion Sesilha 5 : Dança e poesia

APRENE


Occitan
Niveau : Moyen
> Entrez

La lenga s'aficha : atelier pédagogique

« La lenga s'aficha » (La langue s'affiche) vous propose de découvrir les bouleversements historiques et artistiques de l'après mai 1968 et d'approfondir vos connaissances en langue et culture occitanes à partir des collections d'affiches contemporaines du CIRDÒC-Mediatèca occitana.++ Ressources complémentaires d'Occitanica : pour en avoir plus sur l'affiche Òme d'òc et les luttes du Larzac
 
CIRDÒC-Mediatèca occitana
Durée : 02:55:00
Français, Occitan
Niveau : Facile
> Entrez

eBook : Les recettes d'Agata e Joan

Ce livre numérique interactif constitue la version enrichie de l'album illustré Agata e Joan conçu dans le cadre du projet académique d'occitan 2015 de l'Académie de Montpellier : un livre à feuilleter et à écouter.Télécharger l'e-book Les conseillères pédagogiques des quatre départements occitanophones de l'académie de Montpellier proposent chaque année aux classes d'occitan (de la maternelle au primaire) un projet pédagogique autour d'un thème commun, à partir d'un album illustré original. Point d'orgue de ce projet académique : un grand rassemblement festif des classes participantes. En 2015, sur le thème du patrimoine gastronomique de la région Languedoc-Roussillon, des artistes occitans ont enregistré un CD combinant création originales et reprises, distribué gratuitement par la Région, de même que l'album illustré, dans les écoles. Aperçu Purmèra page Precedenta Seguenta Darrèra page Comment lire ce livre numérique ? - Sous environnement Apple : ouverture automatique dans iBooks.Pour une lecture sous environnement Windows, Linux, Android, un lecteur compatible epub3 est nécessaire pour profiter de toutes les fonctionnalités du livre, par exemple :- directement dans le navigateur Chrome (sous environnement Android ou Windows), l'extension Readium (téléchargeable gratuitement ici) ; Après installation, Readium est accessible dans Chrome à l'adresse chrome://apps/ Pour charger le livre : cliquez sur l'icone + dans le menu à haut à droite puis sélectionnez le fichier "à partir d'un fichier local". - sous environnement Windows et Linux, le logiciel Azardi (téléchargeable gratuitement ici). Pour charger le livre, dans le menu en haut à droite, cliquez sur l'icone dotée d'un + "add a book/ajoutez un livre" puis "browse/parcourir" pour sélectionner le fichier.
Académie de Montpellier
Durée : 0:20:00
Occitan
Niveau : Très facile
> Entrez