A Prepaus

La Maleta vos acompanha per aprene l’Occitan

La Maleta es lo site consacrat als contenguts educatius d' Occitanica o portal collectiu de la lenga e de la cultura occitanas.


La Maleta ofrís un accès original a las ressorsas prepausadas sus occitanica.eu mas tanben de contenguts inediches elaborats amb de professionals de l'ensenhament, de l'edicion e de la creacion.


La Maleta es una aisina numerica ludo-educativa al servici de l'aprendissatge de l'occitan e de la cultura occitana dins lo quadre dels TICE, de l'ensenhament de las disciplinas non lingüisticas en occitan (DNL) mas tanben de la sensibilizacion e de la descobèrta culturala en lenga d'òc coma en francés.

La Maleta es un site collectiu

La Maleta se vòl evolutiva e collaborativa : las ressorsas difusadas son la frucha d’un trabalh collectiu amb mantun partenaris. Sèm totjorn a la recèrca de contributors novèls. Auvernhat, gascon, lengadocian, lemosin, provençal, vivaroalpenc : amb vòstra ajuda, nòstra ambicion es de prepausar de contenguts pedagogics dins totas las variantas de l'occitan, utilizables sus tot l'espace occitan e de selà. Per participar a l’aventura de la Maleta, sufís de prene contacte amb un membre de l’equipa del CIRDÒC (info@cirdoc.fr).


La Maleta s'inscriu dins lo movement de las ressorsas educativas liuras (REL - OER). Levat mencion contrària portada sus la ressorsa, los contenguts de la Maleta son partejats jos la licéncia Creative Commons CC-BY-NC-SA. Ne saber mai sus las licéncias Creative Commons : accedir al site Creative Commons

La Maleta es un servici public

Desvolopada pel CIRDÒC e sostenguda pel Ministèri de la Cultura e de la Comunicacion dins lo quadre del programa "Servicis culturals innovants" en 2015, la Maleta d'Occitanica n’es a sa Version 1.


Logo Region Occitanie Logo Region Nouvelle Aquitaine Logo Ministère de la Culture et de la Communication
Drapeau Union Europeenne Logo Europe s\'engage en Occitanie

La Maleta, una bóstia d’aisinas per aprene

Lo modul « Webd'oc : la cultura en vidèo » : la videotèca documentària, per descobrir 48 filmes d'animacion tematics consacrats al patrimòni cultural occitan produches pel CIRDÒC.



Picto Retraches

Retrobatz Frederic Mistral, Marcèla Delpastre mas tanben Alienòr d'Aquitània, Enric IV o Joan Jaurés dins Retraches : una galariá de retraches, per descobrir en qualques punts-claus las grandas figuras de l'istòria e del patrimòni e lors ligams amb la cultura occitana



Picto Expo Virtuelle

Flamenca, las lengas de França dins la Granda Guèrra... Lo modul Mòstras virtualas vos dona accès a las exposicions virtualas del CIRDÒC e a de percorses tematics dins las colleccions d'Occitanica.



Picto Frise Chronologique

La « Cronologia : una frisa, mila ans de cultura » prepausa una navigacion dins mila ans de patrimòni e d'istòria occitans, restituits dins lor contèxte europèu e mondial. Aquelas grandas etapas istoricas e artisticas dònan accès a las ressorsas ligadas que permeton de contunhan la descobèrta sul portal Occitanica.



Picto Talhier

L'espace « Talhièrs : lo canton dels professors » permet als ensenhants, professionals de la cultura e animators dels tempses periescolars de mutualizar lor material pedagogic e de mediacion. Aquesta plataforma multimèdia collaborativa ofrís la possibilitat de consultar coma de telecargar l'ensemble dels contenguts prepausats dins las maletas pedagogicas, difusadas jos licéncia dobèrta



Picto Imagier

Jogar amb lo patrimòni numerizat, aquò's possible amb « Vocabulari : abecedari e imatgièr sonòr », o modul multimèdia d'aprendissatge lingüistic. A partir d’illustracions eissidas de las colleccions numerizadas e de las ressorsas prepausadas sus Occitanica : clicar, escotar, aprene, l'occitan es un jòc d'enfant ! Lo modul es concebut per una alimentacion progressiva e collaborativa pels ensnhants e aprenents eles meteisses dins lo quadre de talhièrs.



Picto Quizz

Lo Quiz permet de jogar e testar sas coneissenças sus la lenga e la cultura occitanas.



Picto Service Question Reponse

Un punt de precisar ? Besonh d'ajuda a la recèrca documentària per un expausat ? Una bibliografia de completar ? Enveja de participar a la Maleta ? Amb lo Guichet question-responsa , los bibliotecaris e equipas del CIRDÒC vos respondon.



Picto Carte

Sortidas, punts d'interès, legendas, patrimòni bastit, centres de ressorsas : amb la Mapa , o patrimòni occitan se geolocaliza gràcias a una mapa interactiva de las ressorsas culturalas. organizadas en percorses tematics.



Contribuisson